Rwyf wedi bod yn gweithio yn y sector gofal oedolion ers dros ugain mlynedd, gan ddechrau fel cynorthwyydd gofal yn 16 oed; ymunais â Roberts Homes yn 2019 a daethum yn Rheolwr Cofrestredig y gwasanaeth hwn yn 2023.

Dros y blynyddoedd, rwyf wedi ennill llawer iawn o wybodaeth a hyfforddiant, gan gynnwys NVQ Lefel 5 mewn Arweinyddiaeth a Rheolaeth. Rwy'n hyrwyddo safon uchel o ofal o fewn fy ngwasanaeth, ac rwy'n cymryd rhan weithredol wrth gefnogi fy nhîm o staff i ddarparu'r gofal gorau posibl.

Rwyf wedi cwblhau nifer o gyrsiau hyfforddiant ar ddementia, sydd wedi fy galluogi i ddeall y cyflwr a gwybod sut i sicrhau'r canlyniad gorau posibl i unigolion sydd wedi cael diagnosis o unrhyw fath o ddementia.

Cartref gofal a adeiladwyd at y diben hwn yw hwn, sy'n cynnig gofal arbenigol ar gyfer dementia. Rydym wedi creu cartref diogel a hapus sydd wedi'i addurno'n chwaethus drwyddo, er mwyn sicrhau ein bod yn cynnig amgylchedd cynnes a chartrefol, sydd hefyd yn ysgogol.

Rwy'n mwynhau gweithio i gwmni sydd nid yn unig wedi ymrwymo i ansawdd y gofal rydym yn ei ddarparu, ond sydd hefyd yn cefnogi'r holl weithwyr.

Mae gen i dîm cryf sy'n fy nghefnogi yn ddyddiol; mae hyn yn rhoi'r gallu i mi dreulio amser gyda theuluoedd a allai fod â chwestiynau neu bryderon wrth ddewis cartref newydd i'w hanwylyd.

Mae ein drws bob amser ar agor os hoffech ddod i gwrdd â'n tîm.